令人回味嘅🌟米芝蓮一星餐廳Bicena 비채나。
一間新派韓式料理Fine Dine, 話說上年有一次出Trip撞正我地第一年既結婚週年紀念, 雖然平時我地啲咩紀念日都唔會點慶祝🤣🤣 就當係俾個藉口去食好嘢喇😂

起初其實我地係想book係米芝蓮3星⭐️⭐️⭐️The Gaon 가온, 但係實在太難約到檯, 又咁岩發現到原來1星⭐️Bicena 係佢地姊妹餐廳, 而且咁岩好好彩留到位🤩 所以轉戰左去Bicena

作為第一次去試米芝蓮韓食既我地, 依一餐充滿驚喜而且可以真正形容為飲飽食醉😆
完全唔敢想像佢地既一星⭐️已經咁正, 可能下次有機會食返Gaon三星⭐️⭐️⭐️既時侯, 真係會飛天咁😍

今次我地係晚餐時段, 有兩款套餐選擇而我地揀左貴果個餐叫做“龜鶴구학”, 大分為5-6個Course, 每個Course會再細分2-3款食物, 當日我地連埋甜品係一共食左10款食物🤤


另外如果大家鍾意飲返幾杯, 🍷好推薦大家要叫埋Wine Pairing🍷(可以揀5款或6款酒), 佢地既Wine Pairing做得好好, 同啲食物好夾! 最深刻係其中一個Course係佢地好出名既Croaker Rice 黃花魚飯配韓國傳統農酒막걸리, 真係好正好正😆

今餐既每道食物都好好味👍🏻而且都好岩我地亞洲人既口味, 好多食材可能平時我地都見慣見熟, 但係當放係韓食入面既時侯, 感覺變得特別又有新鮮感❤️

其實每一道菜都好好食, 同埋每道菜之間都配搭得好平衡, 其中有三道菜係我地都特別印象深刻同難忘😍

⭐️Caviar Stuffed Abalone 釀鮑魚
未擺落口之前已經覺得個擺盤好靚, 鮑魚上面有翠綠色既海苔碎, 加上小花仔, 好似一個小山丘好Cute好有心思, 海苔碎上面既魚子醬係Optional 加既, 我地個人認為加埋魚子醬食就加左少許咸香感, 其實唔加都好味的😊
好喇！入正題‼️


鮑魚煮得好入味而且好軟身, 鮑魚中間係釀左好香既菇菇, 想像唔到細細既鮑魚如何做到釀左菇菇係入面之後, 點解仲可以咁靚咁完好無缺🤩 Amazing!!

⭐️ Baeksuk 백숙
백숙 (白熟), 係韓國傳統烹飪既術語, 係指無調味之下直接用大量既水白煮或蒸煮已成。依道菜用左時令既鴨肉同雞肉煮成湯, 湯好清好清但係好鮮味, 另外待應姐姐仲提我地飲湯前可以依食左鴨肉上面果3粒黑點先🤣🤣 起初以為係普通伴碟
嘩‼️ 原來係一粒甜味既黑胡椒粒(希望無理解錯, 再三問待應姐姐, 佢話係pepper) 好香好香😍同個湯夾到飛起👍🏻

⭐️Croaker Rice 黃花魚炊飯
嘩‼️依個飯好正！首先佢保留返韓食既特色, 會配佢地自家製既幾款泡菜同拌菜, 其中有一款做得好有心機, 用左蘿蔔片包住沙律菜變成小小花束😍 完全唔捨得食, 因為太靚了吧🙈


另外個黃花魚炊飯更加令人驚艷🤤 係其中一道餐廳既出名主菜👍🏻 未食之前聞下已經好香好香！飯粒分明, 入口魚味鮮甜🐟 暫時係我地食過既炊飯No. 1🥇

總括一下😆 餐廳好有心思好有Heart! 無諗過傳統既韓食加上新派感覺, 可以有別有一番感受❤️ 每個季節會用上當地時令食材, 因此Menu有機會有少許改動

 

 

今餐真心飲飽食醉, 如果同我地一樣鍾意食韓食既你地, 好值得想試試👍🏻 超級推薦, 仲令我地真正喜歡上韓食💕

聽講宜家開關先後, 都比較難Book位, 有機會要早2-3個月預約🙈 大家加油💪🏻💪🏻

📍餐廳店名: Bicena 비채나
地址: 서울 송파구 올림픽로 300 롯데월드타워 81층
🚇地鐵2號線蠶室站2號出口, 樂天世界大廈81樓

#비채나 #bicenaseoul #michelline #michellinestar #michellinguide #soeul #jepjepcouple #韓國首爾 #首爾美食 #韓國米芝連 #米芝蓮一星